《五個徵兆便知一段關係有沒有將來》

「分手快樂 請妳快樂
揮別錯的才能和對的相逢」
– 梁靜茹《分手快樂》

如果一直和錯的人糾纏,點會遇到真正啱嗰位?
結束一段感情當然會有不捨,但有時候堅持未必一定係好事,分手亦唔係一剎那嘅決定,好多時候都係有跡可尋,一齊睇睇5個無將來嘅關係嘅徵兆啦。

1. 沒有身體接觸

沒有牽手、擁抱,或者變得唔想再觸摸對方,覺得唔再被對方需要,咁就係有問題了。

2. 朋友也受夠

朋友其實係一面鏡子,能夠從客觀嘅角度分析你哋嘅情況,如果朋友出聲覺得你哋有問題,咁就應該反思一下啦。

3. 時機不再對

可能係客觀因素,例如年齡、事業等等,兩個人嘅步伐唔再一致,優先考慮嘅事亦唔再一樣。如果呢種感覺持續幾個月,或者坐底傾過之後都無好轉,咁就要正視啦。

4. 你只係對方的其中之一

如果你知道對方仲有其他選擇,亦唔確定佢會優先考慮你,咁你幾努力都只會徒勞無功,除非你係想搵個人消磨時間,否則,請你儘快抽身離場。

5. 兩人之間唔傾正經事

一段健康嘅關係,應該係兩個人可以天南地北傾計,講無聊嘅野得,講未來計劃又得。如果對方只係同你吃喝玩樂,一講到人生大事或者將來計劃時避而不談,咁呢個人應該做你嘅玩伴,而唔係人生伴侶。

當生活上有很多事都身不由己時,唯有愛情,應該隨心所慾。世界上大部份事情都沒有標準答案,只要跟着心走就對了。

你想做一輩子待在水族箱裏,還是在大海裏為自己而活的魚呢?

About Author

chocodate