【這就是真愛】真正愛你的人爭執之後會有的三種表現

一段關係中,少不免會有爭吵嘅時候,有人話小吵怡情,亦都有人話鬧交會傷感情,無論係因為一件事嘅處理方式發生分歧,抑或係因為一句唔啱聽嘅說話而借機發洩情緒,我哋都可以藉此更了解彼此嘅價值觀,更可以衡量吓呢個人值唔值得你愛佢,因為一個真正愛你嘅人,爭吵之後係會有呢三種表現……

 

一、依然關心你

鬧交嘅原因可以有好多,但並唔代表佢對你嘅人格有意見。如果一個人同你鬧完交未和好嘅時候,會偷偷關心你,為你倒一杯暖水,問你肚唔肚餓,咁就代表佢愛你的初心並沒有變化。有時候正是因此過份嘅關心,先會有激烈嘅吵架。

 

二、主動給你和好的機會

經過一番熱烈嘅爭吵後,兩人往往會陷入「邊個應該道歉先」嘅moment,而一個真正愛你嘅人,會明白吵架本身並唔係為了傷害,而係為了解決一啲問題。因此佢會設法喺雙方之間搭建一條橋樑,更會適當地示弱。因為愛情從來唔係要分出勝負,贏咗場交,輸咗頭家,百害而無一利。

 

三、不會用惡語中傷你

爭執中嘅大忌,除咗翻舊賬,就係人身攻擊。一個深愛你嘅人根本就唔捨得用難聽嘅說話同你講嘢,亦唔會對你惡言相向。反之,理智嘅人會對事不對人,淨係會就住爭執嘅事情發表意見,而唔會拉到九仗遠。

 

對於一段健康嘅關係嚟講,吵架不過是生活中嘅一個小風浪,當對方對你嘅愛超越了事情本身,小吵架仲可能成為愛情嘅調劑品添。

About Author

choco.admin